المتحابات فى الله
أهلا وسهلا بكِ زائرة بمنتدانا المتحابات فى الله سعدنا بزيارتك ويسعدنا إنضمامك معنا


منتديات المنتحابات فى الله للنساء فقط
 
الرئيسيةالبوابةاليوميةبحـثس .و .جالأعضاءالمجموعاتالتسجيلدخول

شاطر | 
 

 خلاص أنا بقيت أخت..!!! ( هاااااااام لكل الاخوات)

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
خادمة كتاب الله
Admin
avatar

المساهمات : 44
تاريخ التسجيل : 18/02/2011
العمر : 12
الموقع : المتحابات فى الله

مُساهمةموضوع: خلاص أنا بقيت أخت..!!! ( هاااااااام لكل الاخوات)    الخميس فبراير 24, 2011 2:42 pm

بصوا


اسمحولي أتكلم شوية مع نفسي

يعني اللي هايتكلم دلوقتى ... أنا و نفسي




فاكرة الأيام دي ؟؟؟؟؟


أول ما لبستي حجاب شرعي سليم ؟؟؟؟

و الناس كلها بقت بتقوللك يا أخت فلانة

و بقيتى لما تشوفي واحدة متبرجة بتروحي تكلميها ؟؟؟


و لما تلاقي سواق الميكروباص مشغل أغاني تديله شريط قرآن أو درس دينى ؟؟؟؟


لما كنتى بتمشي في الشارع وكتاب طلب العلم في شنطتك وماشية للمسجد وكأنك رايحة للجنة ؟؟؟؟


و لما كنتِى بتسجدي و تقعدي تتكلمي مع ربنا و تحكيله على كل اللي مزعلك و تشتكيله ؟؟؟


فاكرة المشاعر اللي كنتِى بتحسي بيها أيامها ..؟؟


كنتى بتحسي إنك طايرة من الفرحة .. و إن الحياة كلها منورة ..

وإنتى ماشية في الشارع حاسة إن الشوارع و العمارات بتضحك و الدنيا فعلا شكلها اتغير



...!!!


حتى لما تحصلِلك مشاكل

لما كنتى بتقعدي وسط أصحابك وتلقيهم بينموا وتنصحيهم بيزعقولك ويقولولك ( وهو فيه إيه يعني دي شوية فضفضة )

كنتى بتسيبيهم و انتى زعلانة على حالهم ولكن كنتى بتبقي فرحانة إنك سبتي شيء لله

و لما كانت بتحصلِلك مشاكل في البيت و خناقات .. أول ما المشكلة تعدي كنتِ بتحمدي ربنا و بتفرحي جدا و تحسي إنك نجحتي في الابتلاء

فاكرة المشاعر دي؟؟؟؟؟

لما كنتى كل ماتعرفي حاجة جديدة في الدين بتحاولي انكِ تنفذيها فورا من غير ماتسألي ده واجب و لا مستحب

لما قعدتي تتدربي مع نفسكِ في البيت عشان تعرفي تقعدي جلسة التورك في الصلاة


و لما كنتى كل ما تيجي تشربى حاجة تدوّري على حتة تقعدي فيها عشان تشربي وانتي قاعدة على السنة


فاكرة المشاعر دي؟؟؟؟

(مشاعر البداية)


؟؟؟

أمال إيه اللي حصل بعد كده ؟؟؟


كنتي في الأول بتستغربى من كلمة يا أخت و الكلام ده و تقولي أنا لسه ما وصلتش للحاجات دي


دلوقتي اتعودتي على الكلمة دي .. و لما حد بيقول يا أخت (حتى لو مايقصدكيش انتى ) بتبصي فاكراه بينادي عليكى


دلوقتى سمعتي شرايط كتير و حضرتي شوية دروس

و بدأتى تصدقِى إنك أخت بجد

و الناس بقت بتسألكِ في الدين


و انتى بقيتى بتفتي

و بقيتى تقولي الشيخ فلان ده مبتدع


و الشيخ فلان ده ربنا يهديه

و بقيتى تقولي :

أصل ده مستحب


لا ده مش حرام ده مكروه


لا أصلِك مش فاهمة.. ده في مواضع تجوز فيها الغيبة

و بعد كده بدأتي تتخِلّى عن حاجات كتير كنتى بتعمِليها و تقولي أصلها مستحبة

و المرحلة اللي بعدها رجعتي لشوية معاصي و بقيتى تنامى عن صلوات و... و.. و...

... بس برضه


..أنا لسه ( ملتزمة )

فاكرة مشاعرك في الفترة دي ؟؟؟


مشاعر !!!... مشاعر إيه ؟؟؟؟؟


مابقاش فيه مشاعر خلاص

أنا بقيت لما أسمع درس في الرقائق أقول الحاجات دي كلها أنا عارفاها و سمعتها قبل كده

أنا عديت المرحلة دي

و الصلاة خلاص اتعودت عليها و مابقتش باحس فيها بأي حاجة
مابقاش فيه أي مشاعر

فيييييييييييييييييييييييييين أيام زمان ..؟؟

طيب أمال المشاعر الحلوة بتاعة زمان دي راحت فين ؟؟؟

أنا هاقوللِك

مشكلِتك إنِك عشتي الوهم

كذبتي كذبة كبيييييييييييرة و صدقِتيها

الكذبة دي هي كذبة

( أنا بقيت أخت )

بس استنى بس و ماتقعديش تقوليلي لا ياستي انا لا أخت ولا حاجة ده أنا غلبانة و كلي ذنوب


دي الكذبة التانية

إنكِ حتى مع نفسِك من غير ماحد يبقى معاكِى بتكدبي و تقولي إنكِ شايفة نفسك ولا حاجة

و إنتِى من جواكِى شايفة نفسك حاااااااااااااجة كبيييييييييييييييييرة جداااااا

بس المصيبة إنِك مش عارفة كده

مش عارفة إنك شايفة نفسك

موضوع معقد مش كده ؟؟

بس هي دي الحقيقة


شيخ الإسلام كان في عصره فيه شبهات كتير و كان هو بيتصدى لكل الشبهات دي و له كتب كتير في الرد على المبتدعة

بس شوفي الكلمة دي

كان بيقعد بعد صلاة الفجر في المسجد حتى يتعالى النهار يعني لحد الظهر و يقول:

(هذه غدوتي لو لم اتغدى هذه الغدوة لسقطت قواي)

و العلماء بيقولوا إن الكلام في الرجال و الرد على أهل البدع لو ماكانش صاحبه ليه حال مع ربنا يقسي القلب
عرفتِى ليه المشاعر راحت ؟؟

قال الإمام الذهبي

(الكلام في الرجال لا يجوز إلا لتام المعرفة تام الورع)


يعني مش إنتِى خااااااااااالص

إنتِى تسكتي و تبصى لحالك

إنتِى إيه حالِك مع ربنا

إيه حالِك في صيام النوافل و قيام الليل و الدعوة إلى الله؟؟؟؟


إنتِى صدّقتي إنك أخت بجد ولا إيه ؟!!!

لأ فوووووووووووووووووووووووووووووووقي


فوقي و حاولي تلحقي نفسِك قبل فوات الأوان


طيب أنا أعمل إيه دلوقتى عشان أرجّع الأيام دي تاني

* لازم أول حاجة تلجأى لربنا

خليكي قدّام الباب و ألحّي في الدعاء إنه يخلِصك من اللي انتِى وصلتيله ده


ابعدِى نفسك عن أي مجال للجدال و الكلام عن أي حد مش موجود... سواء مشايخ أو غيره حتى لو مخالفين للمنهج السلفي



و لو يعني اتزنقتِى و انتِى مثلا بتدعو حد و بتكلميه مثلا عن الأغاني و قال لِك أصل الشيخ فلان قال.. تقوليله إن كل إنسان ممكن يغلط و مادام الأمر فيه نَص من القرآن و السنّة يبقى ماينفعش نقدّم كلام أي حد على كلام ربنا و كلام الرسول صلى الله عليه و سلم ...وكده


بس إوعي تغلطِى في الشيخ اللي قاللتلك عليه... و والله ده هايعليكِى عند اللي قدامك دي


* لازم يبقى ليكي حال مع ربنا و ليكي ورد من العبادات تحاسبِى نفِسك عليه

باختصار ....

لازم تقفي مع نفسِك وقفة محاسبة...

لازم تشوفي يومك اللي انتِى بتقضيه ده يوم واحدة ملتزمة ولا لأ !!!!!


أسأل الله أن يجعلنى وإياكم من أهل القرآن وخاصته الذين هم أهله وخاصته




منقوووووول بتصرف







اللهم اجعل عملنا هذا صالحاً ولوجهك خالصاً ولا تجعل لأحد فيه من خلقك شيئا...


اللهم لا تجعلنا ممن ضلّ سعيهم فى الحياة الدنيا وهم يحسبون أنهم يحسنون صنعا....



اللهم إنا نعوذ بك من أن نشرك بك شيئاً نعلمه ونستغفرك لما لا نعلمه....



قال صلى الله عليه وسلم :


"من دعا الى هدى كان له من الأجر مثل أجر من تبعه لاينقص ذلك من أجورهم شيئا ً "


رواه الامام مسلم في صحيحه


فجزَى الله خيرا كل من تساهم فى نشر هذا الرابط



لا تنسي تجديد نية استخدام الانترنت :::
1- الدعوة الي الله التى هى وظيفة الأنبياء
2- الصحبة الصالحة
3- الأخوة في الله
4 - حضور مجالس العلم وطلب العلم النافع
5- نفسك إن لم تشغلها بالحق شغلتك بالباطل
6_ شكر نعمة الانترنت بإستخدامها فيما يرضي الله
7- وتعاونوا علي البر والتقوي
8- الترويح عن النفس فيما يُرضى الله
9- كثرة سواد المسلمين
10- معرفة اخبارالمسلمين
11- نصرة للرسول صلي الله عليه وسلم
تقبل الله منا ومنكم صالح الأعمال
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://almtahabat.forumegypt.net
 
خلاص أنا بقيت أخت..!!! ( هاااااااام لكل الاخوات)
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
المتحابات فى الله :: المنتدى الاسلامى العام-
انتقل الى: